தமிழகத்தில் பொறியியற் படிப்பிற்கான பி .இ , பி .டெக் படிப்பிற்கான கவுன்சலிங் வரும் ஜூலை மாதம் 13 ஆம் தேதி சென்னையில் துவங்குகிறது . ஆனால் இதற்கு முன்பு இந்த கவுன்சலிங் ஒன்பதாம் தேதி நடக்கும் என்று அறிவித்திருந்த நிலையில் அதை மாற்றம் செய்து புதிய தேதியை அண்ணா பல்கலைக்கழகம் இதனை அறிவித்திருக்கிறது .ஆண்டு தோறும் கவுன்சலிங் நடத்தி இதில் தேர்வாகும் மாணவர்களுக்கு இலவசமாக பொறியியற் படிப்பை படிக்க ஊக்கவிக்கும் அந்த பல்கலைக்கழகம், சென்ற ஆண்டைப்போல இவ்வாண்டும் கவுன்சலிங் நடத்த திட்டமிட்டுள்ளது .இதன் அறிக்கையை அந்த பல்கலைக்கழக துணை வேந்தர் மன்னர் ஜவஹர் இன்று வெளியிட்டுள்ளார் .
மாற்றியமைக்கப்பட்டு கீழ் வரும் தேதிகளில் நடக்க இருக்கும் கவுன்சலிங் :
ரேண்டம் எண் வெளியீடு ஜூன் 25ம் தேதியும் ,ரேங்க் பட்டியல் வெளியீடு ஜூன் 30 ம் தேதியும் , விளையாட்டு பிரிவு மாணவர்களுக்கான கவுன்சிலிங் துவக்கம் ஜூலை 5ம் தேதியும் ,தொழிற்பிரிவு மாணவர்களுக்கான கவுன்சிலிங் ஜூலை 7 முதல் 11ம் தேதிவரை நடைப்பெறும் எனவும் ,மாற்றுத் திறனாளிகளுக்கான கவுன்சிலிங் ஜூலை 12ம் தேதியும் ,பொதுப் பிரிவினருக்கான கவுன்சிலிங் ஜூலை 13ம் தேதி முதல் துவங்க இருப்பதாக அறிவிப்பினை வெளியிட்டுள்ளனர் .
மேலும் இந்த தகவல் மூலம் பொறியியல் பட்ட படிப்பை பயில ஆர்வமுள்ளோர் இந்த கவுன்சலிங்கில் கலந்துக்கொண்டு பயன் பெறுமாறு கேட்டுக்கொள்ளபடுகிறது .
